Өглөөний цайнд талх, варень, чихэр сүү, жимс гээд л байх. Монгол өглөөний цайг бодвол төрөл нь арай их гэх юм уу даа. Буриадууд сүүтэй цай чанана гэж байдаггүй юм байна. Байхуу цай дүрээд дээр нь сүүгээ нэмж уугаад л сүүтэй цай. Замын сонин сайхан, тэдний аж амьдрал элдэвийг ярилцан сууж цайлав. Холоос ирсэн бидэнтэй уулзах гээд Зоригто гуай эмнэлгээсээ 2 хоног чөлөө аван гарч ирэхээр болжээ. Хөдөлмөрч улс юм аа.
Мөнх тэнгэрийн шүтлэгтэнгүүд, Монгол туургатангуудын уламжлалыг сэргээн хөгжүүлэх, тэдний оюун санааны дархлааг бэхжүүлэх, үндэсний зан үйлийг дэлгэрүүлэх зорилтыг үндэслэн ЭЦЭГ, ЭХ, ӨВӨГ ДЭЭДСЭЭ ХҮНДЭТГЭХ ӨДРИЙГ ТЭМДЭГЛЭХ ХҮРЭЭНД жил бүрийн 9 дүгээр сарын сүүлийн долоо хоногт Монгол туургатан нар Мөнх тэнгэрийн дээд шүтээн болсон Онгод шүтээн, Өвөг дээдэс, Эмээ, өвөө, Эцэг, эхээ дээдлэн хүндлэх өдөр болгон тэмдэглэж, Монгол төрийнхөө төлөө амиа өргөсөн баатруудынхаа төлөө нэгдсэн залбирал хийдэг уламжлалтай билээ.
Агенск тосгоныг үзэхээр гадуур гарахаар болов. Эхлээд өөрсдийн хүүхдүүдийн ажиллуулдаг дэлгүүрийг сонирхуулав. Тэнд ардын урлал, шашны зүйлс, мөн дээл хувцас хүртэл байх. Тэдгээр дээл хувцасыг өөрсдөө урладаг юм билээ.
Гэрийнх нь нэг өрөөнд оёдолчины газар гэлтэй хэд хэдэн оёлдын машинууд байсныг санав.
Агинскийн тахилгат овоон дээр очлоо. Буриадад шарын шашин өндөр түгсэн нь алхам дутам мэдрэгдэнэ.
(Налайх, Хар чулуутын аманд тахилга болно. Хөвсгөлийн Улаан тайгын Улаач нар бөөлнө )
2023 оны 09 дүгээр сарын 17-ны өдөр
07.00 Лусын тахилга
09.00 Хайрханы тахилга
10.00 Хүүхдийн овооны тахилга
11.00 Наадмын нээлтийн ажиллагаа
2023 оны 8 дугаар сарын 14-ны өдөр Оросын хилээр нэвтрэн орлоо. Хэдхэн ъм яваад хилийн бүсийн хаалтад шалгуулснаар ОХУ-д нэвтэрч байгаа билээ. Энэ хилийн бүсээс гарангуут нэг км хүрэхгүй газарт “Онон гол” гэсэн хаяг бүхий гүүр дээгүүр гарлаа. Ингээд хэл нэвтэрсэнээс хойшхи хамгийн эхний тосгон болох Ульхун тосгоноор дайрлаа. Бүр хүний хөдөлгөөн багатай оросын энгийн тосгон угтаж авлаа. Олон жилийн өмнө аялж байсан оросын алс хязгаарын тосгодын дүр төрх тодорно. Өдөржин зогссон болохоор манай хэд хоолны газар эрэлхийлэв.
Өглөө таван цагаас бороо орж эхэлж, 07:30 гээд бүгд босгоолоо. Ус буцалсаны дараа босоод өглөөний цайгаа уугаад Дорнод аймгийн Баян-Уул сумруу хөдөллөө. Ихэс дээдсийн өлгий нутаг сэтгэлд дотно байна аа. Зэргэлдээ Угалз гол урсана. Бид 09:00 цагийн үед Баян уул сум орлоо. Байшингууд ихтэй сум бас л цэвэрхэн сум санагдлаа. Сумын төвийг дайран төв зам тавихаар газар шорооны ажил эхэлжээ.
Таарах сум болгондоо дурсамж сэдэрнэ. Тэр жил Баян-Уул сумын Засаг дарга Ч.Ганбат, орлогч Ж.Алтанцэцэг, ИХТ-ын дарга Э.Батбаяр, ТГ-ын дарга Б.Чимгээ нар ажиллаж байжээ.
Хэнтий аймгийн төв Чингис хотод 15 цаг өнгөрөөд ирэв. Цааш явах замын тухай, Ульхан хилийн боомтын байдлаар хүмүүсээс сураг ажиг мэдэх санаатай асуусан боловч мэдэх хүн гарсангүй. Үйлчилгээний төвөөр ороод өргөлийн идээ будаа аваад, бас болоогүй ходоодоо дүүргэх хэдэн хуушуур аваад идэцгээгээд хөдлөлөө. Хуучин нэр нь Өндөрхаан аймгийн төвөөс холгүй орших их хайрханы нэр билээ. Хэнтий аймгийн ИТХ-ын 2013 оны 11 сарын 18-ны өдрийн тогтоолоор Чингис хот хэмээн нэрийджээ. Улаанбаатар хотоос зүүн зүгт 330 км газарт оршдог.
2023 оны 08 дугаар сарын 13-ний өдөр. Энэ удаа урт бөгөөд холын аялалд явахаар хамт явах багийнхан цугларлаа. Явах бүрэлдэхүүн өглөөний 9 цагт товлосон цагт болзсон газар МБНЭ-ийн төв байр болох Сансрын туннел дээрх 22 дугаар байрны гадаа цуглав. Олон хоногоор явах учир хүн хүний ачаа гэж овоо юм болохоор байв. Ачаа их болсон тул дахин цэгцэлж ачаад нийслэлээс зүүн зүг Налайх дүүрэг лүү хөдөллөө.
ФОТО
ВИДЕО
